Në emisionin Opinion në Tv Klan është diskutuar për vrasësit serialë dhe psikologjinë e tyre.
Jeffrey Dahmer ka qenë një vrasës serial në Amerikë që veproi në vitet 1978-1991, i akuzuar për vrasjen e 17 personave.
Gazetari Spartak Koka, i ftuar në studio, analizoi metodologjinë kriminalistike të Jeffrey Dahmer.
Një pjesë të viktimave, Jeffrey Dahmer i kishte vrarë në shtëpinë e gjyshes, ndërsa të tjerët në shtëpinë e tij.
E pikërisht në banesën ku jetonte, hetuesit gjetën kafka të viktimave të tij.
“Jeffrey Dahmer rrëfen se përse ai vriste në këtë lloj mënyre, ishte një dëshirë seksuale e deformuar, ndjenja e zbrazëtisë, vetmia. Dhe rrëfimi i tij i publikuar në Netflix ka bërë bujë, por fillesat e këtij personazhi i cili është një nga personazhet atipik nga serialkillerat është sepse ai ka treguar një modus-operandis të njëjtë. Në klasë të katërt, ai bënte një muze me mbetje kockore të kafshëve, në klasën e 9-të kishte hapur një derr të ngordhur dhe kokën e derrit e kishte marrë dhe e kishte konservuar në shtëpi dhe të njëjtën gjë ai bënte dhe me viktima të cilët më pas i vriste. Edhe në rastin e kafshëve, ai nuk është se i vriste, i gjente të ngordhura dhe më pas i hapte dhe kishte një lloj dëshire të tij për të parë organet e brendshme të kafshëve, të njëjtën gjë bënte dhe me njerëzit.
Ai përdorte pilula gjumi me të cilat i vinte në gjumë viktimat dhe më pas i mbyste me lak ose i vriste me mënyra të tjera. Një pjesë të vrasjeve i ka bërë në shtëpinë e gjyshes, gjyshja flinte sipër ai i kryente vrasjet poshtë. Pjesën tjetër i ka bërë në apartamentin e tij. I është gjetur në shtëpi, eksperti që ka bërë ekspertizën e shtëpisë së tij, thotë që hyra në shtëpinë e djallit sepse brenda aty gjeti 11 kafka personash, të cilat i mbante në shtëpi. Kishte një tip kazani të madh aty ku ai me acid treste trupin e njeriut dhe mbante një pjesë të kockave dhe mbetjet likuide të trupit i shkarkonte në tualet. Dhe sistemi i kapjes së Jeffrey Dahmer dështoi, sepse vetëm 1 muaj përpara se sa ai të arrestohej, një djalë rreth 14 vjeç të cilin e kishte droguar dhe i kishte injektuar në pjesën e ballit një lloj acidi, del jashtë dhe banorët njoftojnë se ky djalë i ri është potencialisht në një sulm ose dhunë.
Policia i shpërfill telefonatat e banorëve dhe e konsideron raportin mes tyre si çështje mes dy personave gay dhe nuk e avancon investigimin. Ishte një person të cilin ai e rekrutoi për 50 Dollarë, i tha do bëjmë foto dhe do të paguaj 50 Dollarë, dhe në këtë rast ai përdorte dhe një film. Ekzorcist 3 ai e përdorte në momentin kur ai pasi i kishte përgjumur viktimat, kryente rituale të ngjashme si tek filmi horror dhe ky person arriti t’i shpëtonte dhe njoftoi policinë. Aty pastaj ishte një zbulim hap pas hapi në kuptimin e provave. Në një shtëpi kaq të vogël zbuloheshin prova pafund të vrasjeve të tij”, u shpreh gazetari Spartak Koka.
Discussion about this post