Vitin e kaluar, më 22 nëntor, vrasësi i dyshuar në kërkim Izbi Çaushi e kishte marrë me qira automjetin nga një zyrë makinash në Kalamata për 600 euro në muaj, duke paguar gjithashtu për dy muaj. Sipas mediave greke, në momentin që ka skaduar qiraja dhe pronari i zyrës ka ngritur padi për përvetësim të makinës.
Ndërkohë që ndaj tij është lëshuar një urdhër arresti nga organet e drejtësisë së Kalamatës dhe kërkimet për vendndodhjen e tij vijojnë, edhe pse dyshohet se mund të jetë arratisur për në Shqipëri për të humbur gjurmët për vrasjen e “amerikanit”.
Dje dy të pandehurit grekë u ulën në bankën e të akuzuarve në Gjykatë për dëshmi të rreme dhe ndihmë të një krimineli serial. Të pandehurit grekë, pronari i restorantit 50-vjeçar dhe punonjësi i tij 40-vjeçar, mohojnë megjithatë se kanë ndihmuar dy të pandehurit për vrasjen dhe argumentojnë se bëhet fjalë për një keqkuptim, ndërkohë që kanë kërkuar dhe kanë marrë një afat nga gjykata për nesër.
Vrasja ndodhi të shtunën. Thuhet se si autorë u identifikuan një 22-vjeçar grek dhe shqiptari, Izbi Çaushi 38-vjeçar. Ndaj tyre është ngritur një çështje për vrasje, ndërsa 38-vjeçari akuzohet edhe për shkelje të legjislacionit për armët. Nga hetimet e para rezulton se 47-vjeçari është rrahur para të shtënave nga motoçikleta nga dy personat e panjohur që hipnin në makinë. Skenari më i mundshëm që po shikon policia është larje hesapesh për drogën.
Discussion about this post