Në Britaninë e Madhe, rasti i një gangsteri shqiptar, të dënuar për vrasje në Shqipëri, ka ngjallur një debat të madh.
Sipas gazetave të mëdha britanike, ‘Sun’ dhe ‘Daily Mail’, gjykata i ka dhënë shqiptarit të drejtën e anonimatit pasi kishte pretenduar për azil në Angli.
Shqiptari kishte vuajtur një dënim për vrasje dhe krime të tjera shumë të rënda në Shqipëri, përpara se të vinte në Angli me gomone.
Pas arrestimit, një gjykatës vendosi ta mbrojë identitetin e shqiptarit, duke thënë se vendimi vjen për shkaqe sigurie- pasi shqiptari pretendon se është kërcënuar nga bandat rivale.
Një deputet britanik, David Morris tha se është një vendim fyes, pasi tregon përbuzje ndaj qytetarëve britanikë.
Kurse deputeti tjetër konservator, Philip Davies tha se zbulimi i identitetit të shqiptarit është qartësisht në interes të publikut.
Një zëdhënës i Ministrisë së Brendshme tha se ky është një tjetër shembull shokues i faktit se pse duhen ndaluar gomonet.
Lajmin vjen në kohën kur të dhënat kanë zbuluar se vetëm 215 nga 45.755 emigrantë që kanë mbërritur me gomone në Britaninë e Madhe gjatë vitit të kaluar, është deportuar.
Discussion about this post