Deputeti demokrat Asllan Dogjani, ish-funksionar policie, tha mbrëmjen e sotme në emisionin “Open” se ngjarja e ndodhur në fshatin Larushk në Fushë Krujë, tregon jo vetëm agresivitetin e krimit, por tregon se Policia e Shtetit nuk kontrollon territorin.
Dogjani tha se nisur nga mënyra si ka ndodhur ngjarja, të paktën një nga autorët është banor i zonës, është njohës shumë i mirë i zonës.
“Çfarë ka bërë policia që në këto që konsiderohen zona të nxehta, të ketë informacione, të ketë kontroll të territorit? Jo e gjithë zona e Krujës apo Niklës është e inkriminuar, ka qytetarë të mirë që duan të jetojnë në qetësi. Por nëse këta qytetarë shikojnë policin e zonës, apo inspektorin e krimeve që bashkëpunon me krimin, atëherë çfarë duhej të bëjë ai qytetari, a mund të ketë besim ai te Policia?”, tha Dogjani.
Discussion about this post