Zef Guri, 74 vjeç humbi jetën mbrëmjen e djeshme në Dukagjin, ndërsa Gjin Guri, djali i tij, mbeti i plagosur si pasojë e një sulmi me armë.
Gjin Guri ndodhet në spitalin e Traumës në gjendje të rëndë shëndetësore. Policia ka shpallur në kërkim 4 persona lidhur me ngjarjen e rëndë, ndërkohë që po hetohet në të paktën dy pista.
Sipas raportimeve, Zef Guri, i cili ndodhej me djalin e tij, kur është qëlluar me breshëri armësh. ka humbur jetën në vendin e ngjarjes. Ndërsa Gjin Guri ka marrë 4 plumba dhe ndodhet në gjendje të rënduar shëndetësore.
Mësohet se pista e parë ku po heton policia janë konfliktet mes pjesëtarëve të familjes Guri dhe autorit/ëve. Policia po heton lidhur me një konflikt të pak kohëve më parë mes Gjin Gurit dhe personave të dyshuar.
Ndërkohë që pista e dytë ku po hetohet janë pazaret e drogës.
Ngjarja ndodhi teksa viktima dhe djali i tij ndodheshin në një lokal, ku Gjin Guri punonte gjatë verës. Ende nuk dihet nëse personat që janë shpallur në kërkim nga policia lidhur me ngjarjen janë me precedent penalë ose jo.
Discussion about this post