Policia e Shkodrës ka lënë të lirë 4 personat që kishte shoqëruar më parë lidhur me vrasjen e Zef Gurit, 73 vjeç, dhe plagosjen e Gjin Gurit 43 vjeç, ngjarje e ndodhur pasditen e djeshme në zonën e Dukagjinit.
Ndaj babë e bir u qëllua me breshëri armësh, ndërsa 73-vjeçari humbi jetën në vendin e ngjarjes dhe Gjin Guri mbeti i plagosur me 4 plumba.
Policia shpalli në kërkim 4 persona, të cilët pasi vetëdorëzimit, kanë dhënë dëshmitë e tyre.
Edmond Nika, një nga personat që u vetëdorëzua në Polici, tha për mediat se nuk ka qenë fare në zonën e Dukagjinit, madje ai ka pohuar se ka 3 muaj që nuk ka shkuar atje.
“Isha në Stom Golem, shikoni kamerat e sigurisë të objekteve”, është shprehur Nika, duke sqaruar kështu se nuk ka pasur lidhje me ngjarjen e rëndë.
View this post on Instagram
Gjithashtu Kujtim Dholla, Martin Qershia dhe Cesk Seraj janë lënë të lirë, pasi kanë dhënë shpjegimet dhe dëshmitë e tyre. Nga raportimet mësohet se të gjithë të shoqëruarit i janë përgjigjur pyetjeve të Policisë lidhur me dijeninë që mund të kenë lidhur me ngjarjen, a kanë pasur ose jo konflikte dhe ku ndodheshin në momentin që ka ndodhur krimi.
Ndërsa në kërkim është shpallur Gjovalin Guri.
Policia po heton mbi ngjarjen në dy pista: atë të konflikteve të mëparshme si dhe çështje të lidhura me drogën.
Discussion about this post