Policia e Tiranës ka njoftuar se ka arrestuar 14-vjeçarin i cili goditi për vdekje me thikë një bashkëmoshatarin e tij pranë shkollës “Fan Noli” në kryeqytet, duke i shkaktuar vdekjen.
“Në vijim të veprimeve hetimore dhe procedurale të kryera në lidhje me ngjarjen e ndodhur ditën e djeshme, në rrugën “Qemal Stafa”, specialistët e Seksionit për Hetimin e Krimeve Ndaj Personit arrestuan një të mitur 14 vjeç, për veprat penale “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 79 pika a dhe 279 të Kodit Penal. Ky shtetas, ditën e djeshme, në afërsi të shkollës “Fan Noli”, për motive të dobëta është konfliktuar me dy bashkëmoshatatët e tij dhe gjatë konfliktit i ka goditur ato me mjet prerës”, njoftoi policia.
“Gjatë konfliktit janë dëmtuar të 3 të miturit. Si pasojë e plagëve të marra njëri nga 14-vjeçarët ka ndërruar jetë në spital, ndërsa tjetri, së bashku me autorin e dyshuar ndodhen jashtë rrezikut për jetën. Materialet i kaluan Prokurorisë”, shtuan të njëjtat burime.
Lexo edhe:
- Vrasje me thikë pranë shkollës në Tiranë/ Humb jetën 14-vjeçari, plagoset një tjetër – Saga e krimeve në shkolla
- Vrasja e 14-vjeçarit, konflikti mes nxënësve nisi në shkollë, autori njoftoi shokët nga Sauku
- Plagosja e 14-vjeçarit, të afërm e shokët e skuadrës mblidhen te Trauma, flasin trajneri dhe babai
- Vrasja e 14-vjeçarit, reagon shkolla ‘Fan Noli’: Nesër mësimi nis ndryshe, s’do e shohim më në bankë pas 9 vitesh
Discussion about this post