Pas ngjarjes së rëndë që ndodhi në Gramsh ditën e djeshme ku humbi jetën një 15-vjeçar, ka folur mësuesja e të miturit dhe drejtoresha e shkollës.
E prekur dhe me lot në sy, mësuesja u shpreh se nuk ka pasur probleme të tilla më parë dhe se është një dhimbje e thellë për të gjithë ngjarja e ndodhur.
Drejtoresha e shkollës u shpreh se i ndjeri ishte fëmijë i mrekullueshëm dhe vinte nga një familje e mrekullueshme.
Ajo tha se pak ditë më parë familja e tij kishte tërhequr dokumentet nga shkolla për të emigruar në Greqi.
Ju nuk i njihni fëmijët e përfshirë në konflikt, por a kanë shfaqur ata probleme në shkollë?
Mësuesja: Në shkollën tonë nuk ka pasur probleme, është shumë dhimbje e madhe dhe më kuptoni edhe mua (qan). Nuk kemi parë problematika të arrinin deri në këtë situatë. Kushëriri i viktimës është çamarrok e i lëvizshëm por jo që të krijonte situatë.
Konflikti nisi nga rrjetet sociale, sa problematike janë bërë?
Mësuesja: Rrjetet sociale janë bërë të pakontrollueshme në familje. Në shkollë përpiqemi në çdo kohë t’i vëzhgojmë e mos të marrin telefon me vete.
Drejtoresha: Ishte djalë i mrekullueshëm e vinte nga një familje e mrekullueshme, tejet e përkushtuar për mbarëvajtjen e fëmijëve në shkollë. Madje para pak kohësh tërhoqën letrat nga shkolla për të marrë fëmijët e për t’u larguar në Greqi dhe biseda e parë që kam bërë edhe me familjen edhe me kolegët ishte se sa keq më vjen që po na ikin këto fëmijë shembullorë nga shkolla.
Discussion about this post