Ka folur për mediat i ati i 18-vjeçares në Ferizaj, Marigona Osmani, e cila u dhunua deri në vdekje nga dy të rinj dhe u la në derën e spitalit.
Babai i viktimës ka thënë se e ka kuptuar shumë vonë që vajza e tij jetonte me një person me të shkuar kriminale.
Në një intervistë për RTK-në, ai u shpreh se është shumë i tronditur me ngjarjen, por pret që organet e rendit dhe ligjit ta zbardhin rastin dhe të vënë para drejtësisë autorin e vrasjes së vajzës së tij.
“Gjyqësori do të duhej të merrte masa ndaj këtij personi i cili familjen time e lëndoi keq. Jemi shumë te shqetësuar për këtë që na ka ndodhur”, tha ai.
Ai shtoi se vajza kishte rreth dy muaj që bashkëjetonte me autorin dhe sipas tij, Marigona ka qenë në presion dhe është frikësuar ti tregoj familjes për dhunën që i ka ushtruar ai gjatë kësaj periudhe.
