Vrasja e 23-vjeçares, lihet në fuqi vendimi për babë e bir

Lihet në fuqi dënimi me 50 vite burg për babë e bir, Faik dhe Shkëlzen Buci. Të dy akuzohen për vrasjen e 23-vjeçares Eglantina Buci.

Vendimi është marrë sot nga Gjykata e Apelit në Tiranë. Ngjarja e rëndë u regjistrua në vitin 2012 në Malin me Gropa dhe u zbardh vetëm pas rrëfimit të një dëshmitari, i cili u bë bashkëpunëtor i drejtësisë në vitin 2020.

Lexo edhe: Zhvati miliona euro, çfarë vendosi Apeli për të riun mashtrues

Hetimi tregoi se Eglantina në atë kohë 23 vjeç u mor në makinë nga i vëllai Shkëlzeni, siç thotë Prokuroria, me kërkesë të babait Faik Buci dhe u ekzekutua me armë zjarri në Malin me Gropa, ku edhe iu fsheh trupi.

Prokuroria doli në konkluzionin se shkak për vrasjen ishte bërë mospranimi nga e reja të për t’u fejuar me djalin e zgjedhur nga i ati dhe largimi nga banesa.
Dy të pandehurit kanë mohuar vazhdimisht akuzat.