Vrasja e Sabina Begajt mbrëmjen e djeshme në Fier, ngjarje e cila ka tronditur jo pak opinionin publik, ka sjellë një sërë reagimesh edhe nga zyratë të vendit, ku nuk ka munguar as edhe reagimi i ish-zv.kryeministri Erion Braçe. Me anë të një shkrimi të gjatë, Braçe pyet se sa gra të tjera do të vdesin, si dhe kërkon përgjigje nga drejtësia se si një person që një vit më parë është arrestuar për pengmarrjen e familjes së ish gruas futet në burg dhe më pas lihet i lirë duke përfunduar edhe në këtë tragjedi.
“Edhe sa të tjera? SABRINA ISHTE NJË GRUA VETËM 23 VJEC; E MARTUAR DHE ME NJË VAJZË VETËM 3 VJEC! E vrau një kafshë burrë, ish burrë ligjërisht, dje, në shtëpinë e saj, prindërve të saj, DUKE NGRËNË BUKË; ME BUKË NË GOJË! Por jo vetëm ai! E VRAU EDHE DREJTESIA QE KEMI ENDE”, ka shkruajtur ai.
Ndër të tjëra Braçe në njoftimin për shtyp ka “sulmuar”, forcat operacioniale RENEA, të cilat sipas tij angazhimi i tyre ka lënë për të dëshiruar.
“A ka mundësi të di unë, meqë jam edhe ca ditë medemek zëvendës udhëheqës, se si ka mundësi që një si ky burri vrasës, i arrestuar një vit më parë për pengmarrje në të njëjtën shtëpi e të së njejtës grua, në një operacion të komplikuar dhe nga RENEA, ESHTE I LIRË DHE JO NË BURG dhe vret gruan që një vit me parë e mori peng??!! A ka ndonjë prokuror e gjyqtar që ma shpjegon këtë? ME NE FUND DIKUSH DUHET TË MBAJ PERGJEGJËSI, VEC BURRIT VRASËS QË FALË POLICISË TANI ËSHTË NË BURG!”, ka shtuar ai.
