Vrasja e 3 shqiptarëve në Athinë, policia greke: Jemi në kërkim të kokave të mëdha të bandave

Përplasja e përgjakshme në qendër të Athinës mes bandave shqiptare mbrëmjen e së shtunës, 2 korrik, tronditi mbarë vendin fqinj dhe jo vetëm.

Nga përleshja ku mbetën të vrarë 3 shqiptarë dhe të plagosur 3 persona mes tyre dy efektivë policia, kanë dalë në pah të “palarat” e bandave shqiptare që vepronin në Athinës.

Sipas autoriteteve greke 2 nga 3 shqiptarët e vrarë, konkretisht Adil Tefa nga Korça 48 vjeç dhe Gëzim.A 46 vjeç rezulton se këta të fundit të jenë arrestuar 2 herë në tetë muajt e fundit për trafikim droge.

Ekspertët e kriminalistikës në Greqi flasin për dy anëtarë të një organizate kriminale, të cilët edhe pse ishin arrestuar shumë herë, qarkullonin të lirë nëpër Athinë.

Sipas autoriteteve greke 46-vjeçari që u qëllua dhe më pas u përplas nga “Benzi” arrestuar në të kaluarën shtatë herë për krime që variojnë nga trafiku i drogës deri te grabitja dhe posedimi i armëve, ndërsa 48-vjeçari i armatosur, kriminel i nivelit më të ulët sipas medieve greke ka një historik të gjatë në grabitje shtëpish dhe vrasje.

Për policinë greke tashmë është e qartë ajo që ndodhi në Kato Patisia .

Dy të vdekurit shkuan në rrugën Kourtidou për të “biseduar” me pistoleta.

46-vjeçari, besonte se 48-vjeçari i armatosur e kishte tradhtuar dhe se tashmë bashkëjetesa e tyre në të njëjtën bandë ishte e pamundur.
Njëri nga të dy duhej të fshihej nga harta.

Në fund të dy u vranë, ndërkohë një person i tretë e pagoi me jetë konfliktin mes dyshes.

Protothema.gr raporton se nëntë persona në total pjesë në përleshjen e përgjakshme në qendër të Athinës.

Tre ndërruan jetë dhe gjashtë të tjerët janë arrestuar dhe po hetohen.

Gjithashtu, policia po kërkon të gjejë kokat e mëdha që komandojnë bandat shqiptare të drogës që po pushtojnë Athinën.