35-vjeçarja shqiptare, Nevila Pjetri është vrarë në Itali, ku dhe trupi i saj është gjendur në orët e para të së dielës përgjatë bregut të përroit Parmignola në Marinella di Sarzana.
Mediat italiane raportojnë se hetuesit kanë arrestuar një burrë të dyshuar si autorin e ngjarjes së rëndë. 44-vjeçari i arrestuar ushtronte profesionin e artizanit nga Carrara, ndërsa në makinën e tij u gjetën të paktën dy këllëfë armësh dhe disa gjurmë gjaku në sedilje.
Ai është duke u hetuar zyrtarisht për vrasje me paramendim pas një marrje në pyetje të gjatë nga karabinierët e njësisë hetimore të La Spezia-s.
Masa për të thuhet në shënimin zyrtar nga karabinierët e La Spezias erdhi në përfundim të gjetjeve të mbledhura gjatë hetimeve të para.
Ai është pronari i makinës Ford Fiesta ngjyrë gri, pa targë së gjetur disa qindra metra larg trupit të transgjinores që u gjen pak më vonë se trupi i shqiptares pa jetë.
Hetuesit ranë në gjurmët e tij, duke analizuar numrin e targës së mjetit, i cili është hequr mbrëmjen e djeshme dhe është sekuestruar nga karabinierët në La Spezia.
Ndërkohë vijojnë hetimet nga Karabinierët dhe Policia për vrasjen e dytë për të cilën po hetohet për çdo pikë kontakti me vrasjen e parë.
Zona ku u gjet trupi i dytë nga policia e komisariatit të La Spezia-s është e njëjta zonë ku u gjet trupi i Nevila Pjetrit, në periferi të Sarzanës.
Trupi i pajetë është i mbuluar dhe policia mjeko-ligjore është nisur për në vendngjarje me zjarrfikëse dhe mjekë.
Discussion about this post