Ish-bashkëshorti i 28-vjeçares shqiptare është i dyshuari kryesor për vrasjen makabre të katër anëtarëve të një familje që u shënua ditën e djeshme në zonën e Andaviadës në Ilia, Greqi. Sipas vlerësimeve të para, oficerët e policisë kanë qëndruar gjatë gjithë natës në vendin e krimit për të mbledhur të dhëna.
Skenarin fillestar sipas të cilit babai ka dashur t’i marrë jetën nënës dhe dy fëmijëve të tyre, 3 dhe 2 vjeç dhe më pas ka kryer vetëvrasje, duket se është përmbysur pasi tashmë policia greke thotë se i dyshuari kryesor i vrasjes tragjike është ish-bashkëshorti i shqiptares, i cili është shpallur në kërkim nga autoritet greke.
Sipas informacioneve, trupat e dy bashkëshortëve janë gjetur në një rimorkio në depon e shtëpisë, ndërsa fëmija 3-vjeçar është gjetur në dyshemenë e magazinës, ngjitur me rimorkio. Ndërsa fëmija tjetër, dy vjeç, është gjetur i pajetë brenda në shtëpi nga vëllai i tij 12-vjeçar.
Megjithatë bashkëfshatarët e çiftit thonë se autori mund të jetë një person tjetër me të cilin çifti ka pasur mosmarrëveshje në të kaluar. Fqinjët raportuan se fëmija më i madh i familjes 12-vjeçar nuk ishte në shtëpi kur ndodhi vrasja. Por ishte ai që gjeti në shtëpi vëllezërit e tij të vegjël dhe nënën e tij të gjakosur.
Discussion about this post