Një ngjarje e rëndë ka tronditur ditën e sotme fshatin Grudë e Re në Shkodër, ku një punonjës i ujësjellës-kanalizimeve, është vrarë me armë zjarri. Viktima është 47-vjeçari, Prek Tonaj dhe sipas Policisë, në momentin kur është ekzekutuar ka qenë brenda një lokali.
Në vendngjarje kanë shkuar menjëherë dhe grupi hetimor për të sqaruar rrethanat e ngjarjes. Policia gjithashtu ka ngritur disa pika kontrolli dhe po vijon krehja e zonës, për të bërë të mundur kapjen e autorit/ëve.
Ndërkohë burime për Gijotina.com, bëjnë me dije se autori ka qenë i maskuar dhe ka qëlluar me kallashnikov ndaj Tonajt.
Gjithashtu mësohet se viktima në vitin 2011 së bashku me dy persona të tjerë, po përgatiteshin të kryenin një vrasje që kishte për motiv hakmarrjen dhe që janë parandaluar nga Policia.
Discussion about this post