Një 51-vjeçar shqiptar i identifikuar si Aleksandër Zaka, nga Lushnja është ekzekutuar tre ditë më parë në Greqi me një plumb në kokë.
Viktima u gjend i pajetë nga një i afërm që më pas ka njoftuar autoritetet mbi ngjarjen e rëndë, gjë që ka sjellë edhe nisjen e hetimeve.
Mediat greke janë duke i bërë jehonë vrasjes së shqiptarit, teksa e kanë konsideruar ngjarjen si një “thriller”.
Viktima, i cili ishte nga Lushnja, nuk kishte shkelur në Shqipëri përgjatë 15 viteve të fundit, ndërsa mësohet se Zaka nuk kishte asnjë precedent kriminal të regjistruar në Shqipëri apo Greqi.
Përgjigjet për shkaqet e vdekjes pritet të jepen nga autopsia që do t’i bëhet trupit të 51-vjeçarit shqiptar ndërsa hetimet ende vijojnë.
Discussion about this post