Atentate në mes të ditës pa autor, krim në familje në rritje, dhunë në mes të rrugës, grabitje dhe përdhunime të raportuara çdo ditë dhe së fundmi tragjedia në Himarë tregojnë se shqiptarët nuk janë aspak të sigurt. Për këtë shkak, të tronditur nga vdekja e vogëlushes, qytetarët po reagojnë të irrituar ndaj Policisë së Shtetit, pasi ishte një efektiv policie ai që përplasi për vdekje një 7-vjeçare në Himarë, e cila gjendej në breg të detit duke pushuar me familjen.
Dhjetar qytetarë janë duke komentuar në faqen e Policisë së Shtetit ku disa minuta më parë u bë publik urdhri i Gledis Nano për të përjashtuar nga radhët e uniformave blu. Intensiteti i komenteve dhe irritimit i qytetarëve, të cilët po “kryqëzojnë” Policinë e Shtetit është aq i madh sa administratorët e faqeve kanë filluar të fshijë masivisht gjithçka që ka të bëjë me ngjarjen e rëndë.
Deri më tani, Facebook thotë se në faqe janë bërë më shumë se 70 komente, por aty lexohen vetëm 2, kurse të tjerët janë fshirë ose fshehur (hide) nga administratorët e faqes. Policia ka reaguar vakët ndaj kësaj ngjarjeje duke u mjaftuar vetëm me njoftimin për shtyp për vdekjen e fëmijës, ndërkohë që nuk ka asnjë të dhënë mbi pronësinë e skafit; a është bërë apo jo një verifikim pasuror mbi policin nëse ishte pronari i skafit; pse ai e drejtonte mjetin lundrues pa patentë, etj.
Discussion about this post