Paralele me situatën e tensionuar në gjykatë, ku familjarët e 8-vjeçarit që u vra në mënyrë makabre nga Klodian Çalamani, kanë nisur përplasjet edhe në Komisionin e Sigurisë. Deputetët e opozitës kanë komentuar në Komisionin e Sigurisë, vrasjen makabre të 8- vjeçarit Mateo Vasiu nga Klodian Çalamani në Fier. Sipas tyre, pushteti vendor dhe as policia nuk studiuan kohën e vrasësit dhe se po bëjnë formalitete.
Deputeti Ferdinand Xhaferraj tha se është detyra e tyre që të kërkojmë informacion tek policia sa herë ka shkruar inspektori i zonës. Xhaferaj po ashtu ka kërkuar në dëgjesë edhe Drejtorin e Përgjithshëm të Policisë së Shtetit, Gledis Nanon. ‘Është detyra jonë si komision sigurie të kërkojmë informacion tek policia sa herë ka shkuar inspektori i zonës! Duhet të thërritet Drejtori i Përgjithshëm i Policisë, për të raportuar, sepse është një nga rastet që mund të parandalohet, personi duhet të ishte në mbikëqyrje”, tha ai.
Nga ana tjetër deputetët e mazhorancës kërkuan që mos të politizoj kjo ngjarje kaq e rëndë dhe t’i lënë institucionet që të bëjnë punën e tyre. Pikërisht këtu kanë agravuar më shumë debatet, pasi opozita e revoltuar shprehet se në asnjë moment institucionet e rendi dhe ata të drejtësisë nuk bëjnë punën e tyre, sepse në të kundërt do të ishte parandaluar kjo ngjarje. Ata akuzojnë qeverinë se ka lënën kriminelët që të lëvizin të lirë.
Discussion about this post