I dyshuari kryesor për vrasjen e Armend Xhika më 13 maj 2021 në Britani, ka mohuar akuzat. I dyshuari Mentor Selmani, 28 vjeç, pranoi se ishte armatosur me një teh gjatë një përleshjeje të dhunshme në Burngreave, Sheffield, ku mbeti i vrarë 22 vjeçari. Por, këmbënguli se e kishte marrë armën vetëm për të “frikësuar” njerëzit që po debatonin me shokun e tij Eljaso Cela dhe nuk goditi askënd.
Gjyqi
Selmani, Marsid Senia dhe Mardov Dushku janë në gjyq për vrasjen e Xhikës në Sheffield Crown Court. Ata akuzohen dhe për plagosjen e rëndë të tre shokëve të Xhikës, gjatë një konfrontimi midis dy grupeve të shqiptarëve në Earl Marshal Road.
Grupet e të rinjve organizuan një takim në Burngreave për të zgjidhur një konflikt për një aksident që ata ishin përfshirë në Rotetherham më 13 maj.
Selmani
Selmani i tha gjykatës se nuk kishte qenë në dijeni të përplasjes apo ndonjë mosmarrëveshjeje kur u nis me makinë në Earl Marshal Road me qëllimin për të mbledhur Eljaso Cela dhe për të bërë pazar në Meadowhall. I pandehuri mbërriti në rrugë me Mateo Cela rreth orës 19:00 me një furgon Vauxhall Vivaro që kishte marrë hua nga Eljaso.
Selmani, i cili ishte shpërngulur në Sheffield nga Londra rreth pesë javë më parë, i tha jurisë se doli nga furgoni për të pirë një cigare dhe pa Eljaso dhe Senia në rrugë duke folur me një grup burrash që ai nuk i njihte.
Pershtypjet
Ai tha se “përshtypja e tij ishte se nuk ishte një bisedë miqësore” dhe pasi kaloi rrugën për të dëgjuar më mirë ai ndjeu se “atmosfera ishte përkeqësuar” kështu që u kthye në furgon për të “përpiqur të gjej diçka për të mbrojtur veten nëse ishte nevoja”. Selmani tha në gjykatë se hasi një thikë në derën e pasagjerit të furgonit dhe e futi në xhep.
Ai pranoi se ishte “marrëzi” të armatosësh veten, por tha se në atë kohë ai ishte i shqetësuar për miqtë e tij të cilët ishin “të rrethuar nga njerëz që nuk i njihja”.
“Po mendoja se do të përpiqesha t’i ndaja dy palët dhe t’i frikësoja që të largoheshin të tjerët”, shtoi ai. /BBC/
Discussion about this post