Shokët e Aurelio Dervishit, 18-vjeçarit që u vra pak ditë më parë si pasojë e një përleshje me disa të rinj të tjerë, kanë dhënë detaje nga ngjarja. Sipas tyre, çdo gjë ka qenë e organizuar, pasi grupi tjetër i ka ndërprerë rrugën dhe kanë qenë të pajisur me thikë dhe hekur me vete.
Dy miqtë e Aurelios kanë rrëfyer se autori është nxitur nga shokët e tij për të goditur 18-vjeçarin.
“Frensis gjatë përleshjes nxiti 15-vjeçarin të godiste me thikë. Kemi qenë tre djem, vajzat u trembën dhe nisën të qanin. Thika ka qenë me hapje, tip biçak, por ka qenë e madhe rreth 5 gishta. Ata na u afruan tek xhami. Erdhën paralel me ne dhe na ndërprenë rrugën. Besojmë se ngjarja ka qenë e organizuar sepse ata kanë ardhur me mjete të forta, kishin një thikë dhe një hekur në dorë. Ka qenë duke i rënë Marios”, u shprehën ata duke folur në News 24.
Discussion about this post