Prokuroria ka kërkuar dënimin me 25 vite burg për ish-truprojën e kryeministrit Sali Berishës, Izet Haxhinë. Haxhiaj akuzohet për vrasjen e ish-deputetit të Partisë Demokratike, Azem Hajdari, i cili u qëllua me armë jashtë godinës së selisë blu, më 12 shtator 1998.
Në seancën e sotme avokati i Haxhisë ka kërkuar riçelje të shqyrtimit gjyqësor, por kërkesa është rrëzuar nga gjykata, dhe kjo ka bërë që Izet Haxhija të braktisë seancën në shenjë proteste.
Pas 22 viteve, vrasja e Hajdarit është duke u rigjykuar nga e para në dhomën penale në Tiranë. Shkak është bërë kërkesa e Izet Haxhisë, i cili kërkon të përballet në gjyq me dëshmitarët, mes tyre ish- kryeministrin Sali Berisha.
Për një kohë të gjatë Haxhia qëndroi në arrati jashtë vendit, për tu ekstraduar disa kohë më parë nga Turqia. Ai u ekstradua nga Turqia në vitin 2018, ku nisi betejën me drejtësinë shqiptare për një nga ngjarjet më të bujshme të këtyre 30 viteve, vrasjen e Azem Hajdarit.
Discussion about this post