Dy personat e arrestuar për vrasjen e Mario Mukës në Gjermani janë liruar nga autoritetet.
Sipas medieve gjermane, dy të arrestuarit, një 26-vjeccar dhe një 20-vjeccar, vinin nga bota e drogës.
Fillimisht ishte thënë se ka prova për t’i vendosur ata pas hekurave për krimin e rëndë.
Por prokuroria pranoi të enjten se ata nuk mund të mbahen më në burg dhe duhet të lirohen.
Biznesmeni Mario Muka u vra para dhjetë ditësh në qytetin Krefeld të Gjermanisë. Dy persona qëlluan disa herë në drejtim të tij dhe u larguan më shpejtësi në errësirë.
Ngjarja tronditi qytetin pasi ndodhi pranë qendrës.
Muka, që ka disa biznese në Shijak, kishte precedentë penalë në Gjermani për disa krime në fushën e vjedhjeve dhe të drogës.
Megjithatë, hetuesit patën deklaruar para disa ditësh se ai ishte një ‘peshk i vogël’ në botën e trafikut.
Discussion about this post