Gjykata e Kurbinit ka vendosur arrest me burg për Llej Lika, 22vjeç, babain i tij Skënder Lika dhe Klaudio Gjexhaj (Beleshi), të cilët janë 3 të dyshuarit kryesor për varsjen e biznesmenit Rakip Roli. Kujtojmë se tre të dyshuarit kanë mbërritur në Gjykatën e Kurbinit nën masa të rrepta sigurie pak minuta më parë. Tre të arrestuarit janë arrestuar pak orë pasi ekzekutuan me breshëri kallashnikovi me 10 dhjetor Rakip Roklin në Sanxhak të Laçit.
Kujtojmë se, 5 ditë më partë në drejtim të automjetit luksoz të tipit “Audi Q7” me targë 001 PB, me të cilin lëvizte i vetëm Roli, u qëllua me breshëri automatiku dhe të paktën 7 plumba e goditën në trup 55-vjeçarin, duke gjetur vdekjen e menjëhershme. Mësohet se Roli tentoi të largohej pasi konstatoi atentatorët, nuk ia doli dot. Autorët u siguruan që Rakip Roli vdiq, qëlluan në ajër me kallash dhe u larguan. Rakip Roli, i cili ishte një emër i njohur për policinë, u ekzekutua mëngjesin e djeshëm në zonën e njohur si Sanxhaku në Laç. Roli ishte një biznesmen në këtë qyteti, por ai ka pasur të shkuar kriminale.
Discussion about this post