Detaje të reja kanë dalë në pah në lidhje me dinamikën e ngjarjes së ekzekutimit të biznesmenit Rruzhdi Hoxha.Arrestimi i vëllait të Ferdinand Rrushit, autorit të dyshuar të ngjarjes zbulohet se lidhet me fshehjen e trupi të pajetë të biznesmenit, i cili u gjetë i pajetë në një humnerë në Qafë Mollë të Dajtit.
Pajtim Rrushi, akuzohet se ka bashkëpunuar me vëllain e tij për fshehjen e kufomës së 43-vjeçarit.
Grupi hetimor, pas këqyrjes së terrenit ku u gjet viktima, dyshuan se autori nuk mund të kishte kryer i vetëm fshehjen e trupit, ndaj nisën punën hetimore mbi zbulimin e një personi tjetër që mund të kishte ndihmuar në fshehjen e trupit.
Mësohet se vëllai i autorit të dyshuar kishte refuzuar disa ditë që të dorëzonte makinën të autoritetet, e cila dyshohet se është përdorur për krimin.
42-vjeçari akuzohet për veprat penale “Veprime që pengojnë zbulimin e të vërtetës” dhe “Fshehje ose asgjësim i kufomës”, i dyshuar si bashkëpunëtor në ngjarje.
Një ndër pistat hetimore është konflikti për parcelat me kanabis Tiranë. Autori i dyshuar kryesor i kësaj ngjarje, Ferdinand Rrushi, rezulton se është kultivues i një parcele kanabisi, që ndodhet shumë pranë vendit të ngjarjes, në Qafë Mollë të Dajtit, atje ku u gjet i vrarë dhe i hedhur në një humnerë biznesmeni.
Discussion about this post