Vrasja e bosit të mafias, përgjimet që implikojnë shqiptarët

Anëtarët e mafias shqiptare kishin dashur të vrisnin biznesmenin Ruben Cherres, i cili u gjet i ekzekutuar më 31 mars të vitit të kaluar, dhe që njihej si bashkëpunëtor i grupit kriminal të shqiptarëve që merreshin me trafikun e drogës në shtetin e Amerikës Latine.

Kështu është shprehur në një artikull “El Universo”, e cila ka publikuar një bisedë të zbardhur nga dosja “Encuentro”, mes personave që dyshohet të jenë pjesë e grupeve lokale kriminale, ku thuhet se Cherres ishte nën shënjestrën e shqiptarëve për shkak se nuk kishte arritur t’u shlyente një borxh prej miliona dollarësh.

Një nga transkriptet e dosjes Encuentro , të publikuar nga Prokuroria, përmban një bisedë në të cilën përmenden planet e supozuara ndaj Cherres, sepse ai ju kishte mbajtur para shqiptarëve.

“Sot më ka marrë prifti Saavedra dhe me ka thene b****, ti e di qe une kam ndonje shok kudo dhe me kane marrë në telefon të pyesin a po dalim kundër shqiptarëve dhe unë i thashë vetëm “jo çfarë thua!”. Më mirë mos të jesh kundër tyre, shqiptarët duan të vrasin Ruben Cherres se ai mori një faturë i them a je i sigurt nëse njeriu ka kërkuar para, disa milionë dollarë, nuk ka mundur t’i paguajë ato miliona dhe duan ta vrasin…”– thuhet në një regjistrim në janar të 2023-it të një personi të emërtuar si VM3.

Në një bisedë tjetër dy bashkëbisedues pretendojnë se Cherres ka qenë bashkëpunëtor i një shqiptari.

Përgjimet

VM3: Kumbar, shiko seriozisht se çfarë mund të bëhet

VM1: Unë nuk do të përfshihem

VM3: Nuk po them përfshihu, por le të flasim me dikë

VM1: Jo, jo, nuk e kam shfletuar ditën kur këta djem mbrojtën njerëz të rrezikshëm, shok, ti e di për Tonny-n, jo për shëndetin tënd…

VM1: Pana shqiptari, është ortak i Cherres

Në një bisedë tjetër ata vënë në dukje lidhjet e dyshuara mes shqiptarëve dhe një tjetër të akuzuari, Leonardo Cortázar.

VM1: Problemi tani këtu është rrëmbimi i Antonio dhe plumbat drejt shtëpisë së tij. Ky ishte Cortázar me shqiptarët”

VM2: jo është ajo që them unë vetë

VM1: sepse Cortazar është tashmë me shqiptarët, kështu që ai u bë i rrezikshëm si Salcedo, por një herë në burg u bë një djalë i keq.

Sipas Prokurorisë ekuadoriane, Ruben Cherres dhe Danilo Carrera, kunati i ish-presidentit Guillermo Lasso, ishin drejtuesit e një organizate kriminale që përfitoi në mënyrë të paligjshme ekonomike nga tre institucione publike: Korporata Kombëtare e Energjisë Elektrike (CNEL), Shërbimi Doganor (Senae) dhe BanEkuador. Procesi gjyqësor ndaj strukturës së dyshuar kriminale ka nisur në muajt e fundit të vitit 2023. Ndërsa në mars 2023, Cherres u gjet i vrarë në shtëpinë e tij të pushimit në Shën Helena , së bashku me të dashurën e tij, një mik dhe një roje sigurie.