Një i dyshuar për vrasjen e Briken Sanajt është arrestuar në Kosovë. Në pranga u vu Gjelosh Krasniqi. Ndërsa në kërkim për vrasjen janë dy persona të tjerë, Vladimir Kola e Kened Antoni.
Lajmin për arrestimin e tij e ka konfirmuar për Gazetën Express, Shkodran Nikçi, zëdhënës i Prokurorisë Themelore në Pejë.
“Mbrëmë nga puna operative është arritur të arrestohet një person (me urdhër arrest ndërkombëtar) i cili dyshohet se ka qenë i përshirë vitin e kaluar për një vrasje në Shqipëri.
Me urdhër të prokurorit, i dyshuari Gj.K., është ndaluar për 48 orë, ndërsa brenda afatit ligjor ndaj tij do parashtrohet edhe kërkesa për caktimin e paraburgimit. Për procedurat e mëtejshme rreth këtij rasti ju lutem i drejtoheni Ministrisë së Drejtësisë”, tha Shkodran Nikçi për Express.
Discussion about this post