Ekzekutimi që tronditi Tiranën te Kodra e Diellit më 30 tetor, ku u mbeti i vrarë 38-vjeçari Briken Sanaj, është ende pa autor. Nga kamerat e sigurisë është fiksuar një person me të zeza e kapuç dhe një çantë. Mësohet se ai ka qenë duke qarkulluar në zonë, duke mbajtur në dorë një armë tip kallashnikov, që dyshohet se mund të jetë përdorur në krimin e rëndë.
Hetuesit kanë dyshuar fillimisht edhe nëse kishte një gabim në shënjestër, kjo dhe për shkak të konflikteve që kishte i vëllai i tij, por hetimet kanë rezultuar se për shkak të itinerarit që është përshkuar nga Lezha tek Kodra e Diellit, ka qenë i monitoruar nga persona që donin ta ekzekutonin.
Sanaj ishte rikthyer në zonën e Tiranës prej një viti pasi jetonte në Itali dhe një natë më parë ai kishte qenë në shoqërinë e miqve të tij pasi të nesërmen do të martonte shokun e tij. Pas dasmës ai me miqtë e tij kanë shkuar drejt Kodrës së Diellit, ku kishin një banesë me qira. Pas kësaj në zonë ka mbërritur një makinë, autori ka mbërritur nga ana e prapme e Kodrës së Diellit, kalon një bordurë dhe kryen ekzekutimin. Pas kësaj kthehet sërish andej nga erdhi ku e priste një mjet tip Benz i identifikuar si “Regina”me targë AA777 GY.
Nga kamerat e autostradës Tiranë-Durrës është identifikuar edhe një makinë e autorëve, pasi ata kanë djegur mjetin e parë. Kamerat e sigurisë kanë filmuar autorin teksa largohet në drejtim të Kosovës, pasi dhe dyshimet janë që ata të jenë larguar nga Shqipëria.
Discussion about this post