Brunilda Muça u vra nga një person që nuk e njihte dhe me probleme të shëndetit mendor në qytetin e Vittoria-s në Itali. Sipas mediave italiane, 28-vjeçarja mund të kishte shpëtuar nëse ambulanca nuk do të vinte një orë me vonesë. Gjë që konfirmohet edhe nga dëshmitarët. Një fakt i tillë mohohet nga Ndihma e Shpejtë e Raguzës, e cila duke dhënë oraret e thirrjeve të regjistruara në tabelat telefonike thekson se ambulanca ka mbërritur në orë 12:57 në vendin e ngjarjes dhe pas dy minutash është nisur për në spital. Tashmë autori është vënë në pranga dhe ka rrëfyer krimin para autoriteteve.
Arsye për këtë vrasje nuk ka. Shqiptarja ka rënë viktimë e një burri, që sipas hetuesve ka vrarë të parin person që i ka ardhur në mendje dhe e ka parë afër tij. Fillimisht u dyshua se autor i ngjarjes ishte bashkëshorti i 37-vjeçares, por më vonë u vërtetua se ai ndodhej në punë në orën që ndodhi krimi, mesditën e djeshme.
Dëshmitar në këtë krim mund të kishte qenë edhe djali i shqiptares, të cilin ajo kishte shkuar ta merrte nga shkolla. E pikërisht teksa priste të birin, u sulmua me thikë e ndërroi jetë në vend.
Discussion about this post