Është shtyrë për në datë 14 korrik në orën 13:00 seanca gjyqësore ndaj ish-policit, Nevaldo Hajdaraj, i cili akuzohet për vrasjen e Klodian Rashës.
Shkak është bërë mungesa në seancë e njërit prej anëtarëve të trupit gjykues, për arsye familjare.
Prokuroria ka kërkuar dënimin me 20 vite burg për Hajdarajn, por për shkak të gjykimit të shkurtuar, ai përfiton ulje të dënimit me 1/3-n.
Në rast se Gjykata do të pranojë kërkesën e prokurorisë Hajdaraj do të vuajë një final një dënim prej 13.4 vitesh burg.
Hajadaraj do të gjykohet për akuzën e ‘vrasjes me dashje’, e cila iu ndryshua rrugës pasi fillimisht ai u arrestua nën akuzën e vrasjes në kapërcim të kushteve të vetëmbrojtjes, me pretendimin se Rasha ishte i armatosur, gjë që nuk u provua asnjëherë nga ana e Prokurorisë.
Fillimisht policia tentoi manipulimin e provave duke servirur informacionin se në vendin ku kishte ndodhur sherri mes Hajdarit dhe Rashës ishte gjetur një armë, e cila më pas rezultoi të ishte disa metra më larg, dhe e paprovuar që ishte e viktimës.
Rasha u vra gjatë orës policore, ky qytetarëve iu ndalohej që të lëviznin, me pretendimin e përhapjes së Covid 19. Pas vrasjes së tij pati disa protesta në Tiranë, por familja kërkoi që ngjarja të mos politizohej, dhe të ishte sistemi i drejtësisë ai që të thoshte fjalën e fundit.
