Vrasja e bujshme e 20- vjeçares Caroline Crouch në Greqi nga bashkëshorti i saj Babis, është kthyer sërish në skenë. Hetimet përfundimtare lidhur me këtë ngjarje tronditëse, faktojnë se i akuzuari i vetëm për vrasjen e 20-vjeçares në muajin Maj në Greqi është i shoqi 33-vjeça. Në përfundim të këtyre hetimeve faktohet se piloti nuk ka patur bashkëpunëtor, pra në krim nuk është përfshirë një person i dytë.
Nga sa raportohet se hetuesit nuk nxorën asnjë provë të re nga procesi për verifikimin e telefonit dhe llogarisë bankare.
Ata nuk kanë asnjë informacion shtesë në lidhje me thirrjet e bëra natën kur u vra nëna e re në sy të foshnjës së saj. Ndërsa kompania nga Kina nuk u përgjigj kurrë ndaj kërkesës së autoriteteve greke në lidhje me pamjet nga karta e kamerave të sigurisë.
Sa i përket sekretit bankar, duket se ka pasur transaksione në shuma të vogla në kartat e Caroline dhe pilotit 33-vjeçar, kryesisht për shpenzimet e shtëpisë. Tashmë dosja pritet t’i përcillet prokurorit për të paraqitur propozimin në Këshillin Gjyqësor në lidhje me dënimin e Babis
