Zbardhet dinamika dhe shkaku i vrasjes së Xhuljano Bullarit në Vlorë. Pista kryesore ku po hetohet ngjarja është prishja e pazareve të drogës, e cila ka shkaktuar prishjen e “marrëveshjes” mes viktimës dhe autorit kryesor të arrestuar pak minuta më parë nga një aksion në Tiranë, Bledar Selmanaj. Të dyja palët kishin njohje me njëri-tjetrin pasi merreshin me trafik droge. Ndërsa nuk përjashtohet as pista e një borxhi të pashlyer nga ana e Bullarit që ka degraduar deri në përdorimin e armëve dhe vrasjen e këtij të fundit. Bledar Selmanaj tashmë i arrestuar për këtë ngjarje të rëndë, vrasës gjakftohtë i cili nuk njeh asnjë gjuhë tjetër përveç “armës” për të zgjidhur mosmarrëveshjet, u zbulua nga disa pamje filmike të siguruara në hyrje të qytetit ku ky i fundit tentoi pas krimit tentoi të largohej me mjetin tip “Fiat Punto”. Ndërsa nga të dhënat e policisë theksojmë se Selmanaj njihet si një hajdut serial i dënuar për një sërë vjedhjesh në Tiranë, Vlorë e Fier.
Dinamika e ngjarjes
Sa i përket dinamikës së ngjarjes mësohet se menjëherë pas vrasjes, autori u largua dhe shkoi në shtëpinë e tij që ndodhet në lagjen “15 Tetori” në Vlorë, ku fshehu armën e krimit, një pistoletë me 9 fsihekë, me të cilën dyshohet se u krye vrasja. Hoqi rrobat që mbante veshur mbrëmjen e 20 gushtit, një T-shirt i bardhë i firmës Adidas bashkë me një kapele të po të njëjtës firmë dhe u nis drejt Tiranës. Autori u fsheh për 4 ditë radhazi në një banesë në zonën e ish-Bllokut, atje ku u arrestua dje nga Policia e Shtetit./Gijotina.com/
