Kanë kaluar 12 vite nga vrasja e deputetit Fatmir Xhindi, teksa nuk ka asnjë gjurmë nga autori.
I pyetur nëse ka shpresë për zbardhjen e kësaj ngjarjeje që mesa duket ka ngecur deri tek pistat e hetimit, drejtori i Policisë së Shtetit, Gledis Nano, nuk ka dhënë shumë detaje por tha se çështja është në hetim.
“Nuk dua të jap asnjë detaj për hetimin e këtyre ngjarjeve sepse është sekret hetimor. Por dua tu them se të dyja janë çështje ende në hetim” tha ai në Komisionin e Sigurisë në përgjigje të pyetjes së deputetit Qefalia.
Nano u pyet dhe për bashkëpunimin mes drejtorive të policisë në vend dhe fondin e policisë për rrjetin e informatorëve.
“Drejtoritë vendore të policisë a bashkëpunojnë me njëra-tjetrën? E kanë detyrim bashkëpunimin, niset dhe nga nevoja dhe dinamika e kriminalitetit. Sa i takon fondit për rrjetin e informatorëve, nëse duhet një shifër e saktë dhe sa është shpenzuar mund t’ua vëmë në dispozicion me shkrim”, ka shtuar ai.
Discussion about this post