Vrasja e dy shqiptarëve në Shkup, arrestohet pas 5 muajsh autori

Autori për vrasjen e Jeton Krivanjevën dhe Enes Isenin në Kalanë e Shkupit, në mars të këtij viti është vënë në pranga.

Ministria e Punëve të Brendshme në Shkup ka njoftuar se 31-vjeçari, i cili dyshohet të ketë qenë autori i ngjarjes u kap në zonën e Gazi Babës.

Autorët u prezantuan si policë dhe u thanë se po bënin kontrolle në bar kafenë ku ndodheshin dy të rinjtë. Pas ngjarjes, autorët dogjën makinën në afërsi të vendit të ngjarjes, në Çarshinë e Shkupit.

Dy shqiptarët mbetën të vrarë pas një “bastisje” gjatë mbrëmjes së 6 marsit 2023 në Shkup. Si pasojë ngeli i plagosur edhe kamarjeri i lokalit.