Vetëm disa orë pas vrasjes së dyfishtë të ndodhur në familjen Koreta në fshatin Mekat të Vlorës, është bërë e mundur zbardhja paraprake e dinamikës së ngjarjes.
Jorgji Koreta, 64-vjeçari që mbeti i vrarë, jetonte prej vitesh në Vlorë, por kishte tokat me ullinjë në fshatin Mekat.
Sipas policisë, motivet e krimit janë ende të paqarta por dyshohet se gjithçka ka nisur për ndarjen e rrënjëve të ullinjve.
Debati fillimisht ka nisur mes fjalëve e mëtej ka degraduar në konfrontim fizik e deri në përdorimin e armës së gjahut.
I nxehur dhe në gjendje të rënduar psikologjike, Genci Koreta, autor i vrasjes, është kthyer në banesë siç tregojnë edhe familjarët dhe ka marrë armën e gjahut, është rikthyer te toka dhe ka goditur në drejtim të tij me një plumb i cili e ka kap të ndjerin në pjesën e kokës dhe më pas disa metra më tutje ka goditur veten në kokë.
Arma e gjahut ishte pa leje përdorimi nga Genci Koreta, armë me të cilën ka shtënë vetëm dy herë pasi aq fishekë ka patur.
Autori vuante nga gjendja e rënduar psikologjike.Genci Koreta prej disa vitesh ka jetuar në Greqi teksa kishte disa vite i rikthyer në fshat.Në gjendjen civile rezultonte i pamartuar.
Sipas policisë Genci Koreta 39-vjeçari që vrau xhaxhain e tij dhe më pas veten vuante nga depresioni, ndërsa familjarët e kanë mohuar këtë pretendim të policisë. Autori i vrasjes së dyfishtë mësohet se kishte disa dite që rrinte i vetmuar, ndërsa vite mëparë kishte pësuar një traumë pas vdekjes të djalit të xhaxhait të ndjerë.Banorët shprehet se Koreta kurohej por nuk e ishin në dijeni të shkakut.
Ndërsa viktima ishte me profesion të hershëm polic dhe jetonte prej vitesh në Vlorë ku ishte martuar dhe kishte krijuar familje.
Për ngjarjen janë pyetur rreth 15 persona, të afërm të të dy familjeve, të cilët kanë deklaruar se nuk kanë pasur konflikte si dhe kanë pohuar gjendjen e rënduar depresive të tij.
