Deputeti i Partisë Demokratike, Ervin Salinjani ka reaguar në lidhje me atentatin e mbrëmjes së sotme, të ndodhur në Astir ku mbetën viktima dy persona.
Sipas Salinjanit, ky atentat është produkt i përdorimit të bandave kriminale nga politika në fushata zgjedhore, pasojë e të cilës është lënia e territorit dhe sigurisë publike në dorë të krimit.Salinjani gjithashtu nënvizon se qeveria nuk po e lufton krimin, për shkak të ortakërisë.
“Për fat të keq siç e kemi paralajmëruar krimi pjell krim, perdorimi i bandave në zgjedhje praktikisht është dorezimi i territorrit dhe sovranitetit ne duart e tyre! Qeveria as nuk ka fuqi as nuk ka dëshirë të përballet me krimin, ata janë ortakë, ata duhen zhdukur njësoj si e keqe e madhe për çdo familje, për çdo qytetar!”|, shkruan Salinjani
Salinjani shkruan se breshëritë e plumbave po zbrasen kudo, teksa krimi është trimëruar duke bërë kërdinë me eleminime mafioze.
“Breshëritë e plumbave po zbrazen kudo, në mes të qyteteve, në zonat më të populluara dhe pa kursyer askënd dhe pa ju dridhur dora para askujt! Krimi është trimêruar dhe po bën kërdinë me eleminime të tipit mafioz, vrasje, grabitje, drogë, dhunë, vjedhje… “
Discussion about this post