Vrasja e efektivit Xhulio Prela, dërgohen në gjyq dy të akuzuarit

Janë dërguar në gjyq dy personat e akuzuar për vrasjen punonjësit të policisë Xhulio Prela,  Redion Hysa dhe Nikoll Sherniku.  

Pistoleta tip “TT”, me të cilën u ekzekutua efektivi i Forcave të Ndërhyrjes së Shpejtë, është gjendur brenda një depozite uji, që ndodhej në banesën e të arrestuarit, Redion Hysa.

Pikërisht në depozitën e ujit, policia e Lezhës mundi të gjejë dhe një armë tip kallashnikov, ku rezultoi më pas se automatiku, ishte përdorur në ngjarjen e datës 28 dhjetor 2020, kur ishte qëlluar me 28 plumba karburanti dhe trajleri i markës “Man” që është në pronësi të një subjekti privat në Lezhë.

Mediat kanë siguruar dosjen e policisë së Lezhës ku flitet se Redion Hysa, fillimisht u arrestua nga policia në datën 28 dhjetor 2020 për akuzën e “Mbajtjes pa lejë të armëve dhe municioneve” dhe “Kanosjes me armë”.

Së bashku me të u arrestua për “Kanosje me armë” dhe kushëriri i Redionit, Sokol Hysa.