Vrasja e Fridman Xhaferaj në Korçë, arrestohet njëri nga autorët, ja çfarë i gjeti policia

Policia e Tiranës ka vënë në pranga një nga autorët e akuzuar për vrasjen e 25- vjeçarit Fridman Xhaferraj në Korçë.

Bëhet fjalë për Lulzim Spahian 27- vjeç i cili është arrestuar nga forcat Shqiponja. Në momentin e ndalimit, autorit iu gjetën një sasi lënde të dyshuar narkotike kanabis.

Ndaj tij rezulton se Prokuroria e Durrësit ka lëshuar një urdhër ndalimi për prodhim dhe shitje të lëndëve narkotike.

Spahia akuzohet për veprën penale  “Vrasja” kryer në bashkëpunim, pasi në bashkëpunim me personin e identifikuar me iniciale K. B., 26 vjeç, banues në Lushnjë (i arrestuar më parë), në Korçë, më datë 13.06.2021, kanë goditur me sende të forta në kokë Fridman Xhaferrajn duke i shkaktuar atij vdekjen.

Sipas prokurorisë së Korçës në atë kohë, Xhaferraj ishte vrarë me sende të forta dhe më pas ishte hedhur në rezervuarin e Gjançit. Ai ishte larguar nga ngjarja rreth dy javë para ngjarjes së rëndë, pikërisht një ditë pasi ishte liruar nga qelia, kur gjykata i kishte ndryshuar masën e sigurisë nga “arrest me burg” në “arrest shtëpie”.

Një ditë pas lirimit, policia kishte shkuar në banesën e 25-vjeçarit për të kontrolluar zbatimin e masës së sigurisë por nuk e kishte gjetur.