Dy dita pas vrasjes, policia ende nuk ka asnjë autor të dyshuar për atentatin ndaj Iljaz Çalit. Mbrëmjen e djeshme, policia ka marrë në pyetje 50-vjeçarin RR.D., për të cilin familjarët e Iljaz Çalit pretendojnë se u ka rreth 1 milion euro borxh.
Para prokurorëve, 50-vjeçari nuk ka mohuar borxhin. Ai ka deklaruar se viktimës i kishte 350 mijë euro borxh pasi i kishte marrë minierën e kromit në Bulqizë për të punuar, por ka mohuar të ketë lidhje me krimin.
“I kisha borxh 350 mijë €, pasi i mora galerinë e kromit në Bulqizë për ta punuar. Kromi vijon të jetë ende në galeri dhe nuk është hequr që andej”, ka thënë ai.
Para se të ndodhte krimi, Çali kishte ardhur në Tiranë për të blerë ushqime për familjen, produkte që hetuesit i gjetën në makinë pas atentatit, ndërsa ende nuk ka informacione për vrasësin.
Discussion about this post