Gjykata e Shkodrës ka lënë të lirë Marjan Kola dhe Kristjan Kelmendi, të cilët akuzohet se kanë varë ish-deputetit Pashko Ujka, në Shkodër. Dy të rinjtë ishin në arrest pasi ishin të dyshuar si autorë të vrasjes, por sot gjykata ka vendosur pro tyre. Kjo pasi sqarohet se, Gjykata ka administruar një video ku përmes të cilës pretendohet se autori i dyshuar i vrasjes së ish-deputetit dhe bashkëpunëtori i dyshuar ditën e ngjarjes kanë qenë në Kosovë. Pas kësaj video që është marrë si provë gjykata vendosi t’i lirojë duke lehtësuar masën nga “arrest me burg” në “arrest shtëpie”.
Po ashtu, gjykata është në pritje edhe të disa provave të tjera të Kelmendit dhe Kolës, që mund të jenë sërish video por edhe fatura të ndryshme të blerjeve apo prova të tjera që mund të faktojnë se kanë qenë në Kosovë ditën kur u vra ish deputeti Pashko Ujka.
Në seancën për masën e sigurisë më 4 dhjetor autori i dyshuar Kristjan Kelmendi dhe tjetër Marjan Kola mohuan përpara gjykatës autorësinë e vrasjes duke thënë se ata kanë qenë në Kosovë. Gjykata la një muaj kohë për të administruar këto prova duke i lënë me masën e sigurisë “arrest me burg” me afat 30 ditor dhe tashmë pas këtij afati ka mbërritur një prej provave që është pikërisht video e Kristjan Kelmendit dhe Marjan Kolës në një market në Kosovë që përkon me kohën kur është kryer vrasja.
Në rast se në gjykatë mbërrijnë prova të tjera që vërtetojnë përfundimisht se dy të dyshuar kanë qenë në shtetin fqinj atëherë pala mbrojtëse do të kërkojë lirimin nga çdo akuzë të dy të dyshuarve. Ish deputeti Pashko Ujka u vra mbrëmjen e 29 nëntorit të vitit të kaluar teksa po ecte afër shtëpisë sëbashku me bashkëshorten e tij.
Discussion about this post