Prokuroria e Elbasanit ka mbyllur hetimet dhe ka dërguar për gjykim Donald Hoxhën, i cili akuzohet për vrasjen e ish-efektivit të policisë, Roland Rexhepi, ngjarje e ndodhur në korrik të vitit 2009.
Prokuroria sqaron se në në kuadër të hetimeve ka rezultuar se Donald Hoxha ka kryer veprën penale “Vrasja me paramendim” e kryer në bashkëpunim ndaj ish-efektivit Rexhepi.
Njoftimi i Prokurorisë
Prokuroria e Elbasanit përfundon hetimet dhe dërgon në gjyq shtetasin D.H. për veprën penale ‘Vrasje me paramendim’ të ish-efektivit të policisë
Prokuroria pranë Gjykatës së Shkallës së Parë të Juridiksionit të Përgjithshëm, Elbasan përfundoi hetimet dhe dërgon në gjyq shtetasin D.H., i akuzuar për veprën penale “Vrasja me paramendim” kryer në bashkëpunim.
Në kuadër të hetimeve mbi procedimin penal nr.833/3 të vitit 2009, prokuroria arriti në përfundimin se shtetasi në fjalë ka kryer veprën penale “Vrasja me paramendim” e kryer në bashkëpunim, parashikuar nga neni 78/a dhe 25 i Kodit Penal ndaj viktimës R.R. ish-efektiv i policisë i vrarë në vitin 2009.
Prokuroria pranë Gjykatës së Shkallës së Parë të Juridiksionit të Përgjithshëm, Elbasan vijon hetimet në lidhje me zbulimin dhe identifikimin e bashkëpunëtorëve të tjerë të mundshëm në lidhje me këtë ngjarje.
Atentati ndaj Rexhepit ka ndodhur në 29 korrik 2009 në lagjen Vullnetari në Elbasan, ku ish-punonjësi i antidrogës në Drejtorinë e Policisë Elbasan, Roland Rexhepi mbeti i vrarë pas disa të shtënave me armë. Rexhepi është ekzekutuar sapo ka dalë nga pallati i tij, duke ju drejtuar garazhit për të marrë makinën dhe larguar në punë. Në këtë moment i është afruar me motor “Zong-Zhung”, njëri nga autorët e krimit, ka hapur zjarr në drejtim të Rexhepit duke e lënë të vdekur në vend.
Discussion about this post