Porositësi i vrasjes së komisar Artan Cukut, që kishte përfituar identitet fals nga grupi falsifikatorëve në Greqi, rezulton të ketë “spiunuar” kreun e grupit. Në 29 prill 2020 teksa ishte thirrur nga Prokuroria e Pireut për një çështje kontrabande cigaresh, Bledar Jambelli allias Rikardo Muho, si një “klient i pakënaqur” kishte treguar identitetin e një prej krerëve të grupit, një 62-vjeçar homogjen grek nga Kazakistani.
Ai tha se M. i kishte pranuar se të dhënat e identitetit qe i kishin dhënë Muhos, i kishin përdorur edhe ne dy persona të tjerë.
Ne drejtim të grupit kriminal të falsifikatorëve rezultojnë dy kushërinj homogjenë grekë nga Kazakistani. Madje 37-vjeçari Marius Diamanti nga Delvina, i vrarë në Athinë në 16 nëntor, posedues i identitetit Stergios Maznevidis, rezulton se mbante kontakte me një nga drejtuesit e grupit deri 2 muaj para se të ekzekutohej nga vrasës me pagesë.
Discussion about this post