Tre ditë më parë u ekzeklutua në Balldre të Lezhës, Nikolin Lekstakaj. Grupi hetimor ende po kqyr kamerat e sigurisë përmes të cilave synon të zbulojë itenerarin e lëvizjes së autorëve para dhe pas krimit, sikundër ka mbledhur dëshmitë nga persona që janë ndodhur në vendin e ngjarjes, ose mund të ndihmojnë hetimin.
Sipas raportimeve, nga ekzaminimet e kryera, në drejtim të 42-vjeçarit, i cili u qëllua sapo doli nga një market, ku kishte blerë një pije freskuese, është shtënë me armë zjarri 5 herë, ndërsa 4 plumba e kanë prekur në trup, duke i shkaktuar vdekjen e menjëhershme.
Personi që ka luajtur rolin e ekzekutorit duket se ka pasur një preçizion të lartë në shënjestrën e tij, ndërsa e gjitha ngjarja e krimit ka zgjatur vetëm pak sekonda.
Referuar raportimeve, makina ku ndodheshin autorët është larguar përgjatë superstradës në drejtim të qytetit të Shkodrës.
Një ditë pas krimit, policia ka shoqëruar dhe marrë në pyetje 5 persona, përfshirë edhe anëtarë të familjes Nikulaj, por deklarimet e tyre nuk kanë ndihmuar për të zbardhur ngjarjen dhe u lanë sërish të lirë.
Një ditë pas ngjarjes, në Gjadër, rreth 10 km larg vendit ku u ekzekutua Nikolin Lekstakaj, është gjetur një autromjet i djegur plotësisht, dhe brenda tij kishte edhe një armë zjarri.
Policia tha se dyshon për një gjakmarrje, por kjo mbetet një nga pistat ku po hetohet.
Discussion about this post