Gazetari Milaim Zeka ka zbuluar detaje të reja lidhur me krimin e rëndë të vrasjes së Liridona Ademajt, ku një prej të arrestuarve lidhur me ekzekutimin e 30-vjeçares me armë zjarri është edhe Naim Murseli, bashkëshorti i viktimës.
Duke folur për “Shqipëria LIVE”, Zeka ka zbuluar detaje për marrëdhënien e Liridonës me familjen e Naimit.
Ai ka thënë se ata kanë pasur konflikte, dhe duke iu referuar një deklarate ku Shaban Murseli shprehej se të ndjerën e kishte si vajzën e tij, ai tha se kjo është gënjeshtër.
Ai u shpreh se e ka të regjistruar një bisedë ku provohet se e ka përzënë të birin dhe Liridonën nga shtëpia.
“Shaban Murseli duhet të arrestohet. Babai doli tha po ta dija e kisha vrarë me duart e mija për të birin, e pastaj e mbrojti duke thënë se e kishte takuar në burg dhe djali ishte i pafajshëm.
Babai i Naimit ka gënjyer kur ka thënë që e kishte si vajzën e tij Liridonës. Kam infomracione të regjistruara nga familjarët e Liridonës, se babai i Naimit i kishte përzënë të dy nga shtëpia. Ata u shpërngulën në Gjermani nga Suedia. Ka shumë mistere.”- tha Zeka.
Discussion about this post