Bashkëshortja e Lulzim Bitrit njëri nga të shenjëstruarit që u qëllua për vdekje me armë zjarri disa ditë më parë në Elbasan, ka zbardhur detaje lidhur me të shkuarën kriminale të viktimës.
E tronditur për ngjarje, ajo tregon në një intervistë për median se kanë pasur vështirësi ekonomike në familje, pasi bashkëshorti i saj Lulzim Bitri ishte pa punë dhe se kishin një kredi për të shlyer.
“Ajo rrëfen se kishin marrë kredi për të jetuar pasi kohët e fundit, Lulzimi ishte pa punë. “Ishte shumë e vështirë, dhimbje shumë e madhe. Ishte shumë befasi, shokuese, nuk e prisnim, ai kurrë nuk ka pasur konflikte”, tha bashkëshortja.
Ndërsa sa i takon vrasjes në Tetovë për të cilën Bitri është dënuar me 4 muaj burg, ajo pretendon se Bitri ka qenë kalimtar, në momentin që ka ndodhur ngjarja. Megjithatë hetimet tregojnë se ai ka qenë i përfshirë ose ka luajtur rolin e vëzhguesit në këtë atentat. “Luli ka qenë kalimtar aty, ai që është vrarë ka qenë shoku i Lulit. Kush është ai shtet që të kryesh vrasje e të dënojë me 4 muaj burg. Kohët e fundit ishte pa punë, kishim shumë vështirësi. Morëm edhe kredi për të jetuar.” Ndërsa për ekzekutimin e Everest Çakaj tregon se aso kohe nuk ka qenë fare në Shqipëri”, ka treguar ajo.
Ajo gjithashtu është pyetur nëse Bitri, ishte qendra e atentatit, pistë e cila nuk është zbuluar ende, ajo pretendon se Bitri prej 1 viti nuk përdorte makinë, ndërsa aludon se ky atentat lidhet me zinxhirin e vrasjeve të ndodhura më herët ku Bitri dyshohet të jetë përfshirë. Ndërsa shton se i kanë përmendur emra fisesh, për të cilat pretendon se mund të jetë vrarë bashkëshorti i saj.
: “Nuk dua të dal në konkluzione po nuk dua të besoj se ka qenë atentat se mund t’ia bënin në mes të lagjes. Ai ikte dhe vinte natën, ka më shumë se 1 vit pa makinë. Kushëriri i Lulit e ka marrë tek shtëpia, më tha se kishin shkuar për të pirë kafe, ishte takuar rastësisht me Ardianin dhe i qëlluan me plumba. Luli ka marrë vetëm një plumb në zemër. Përmendin fise e njerëz të tjerë që nuk i njohim dhe nuk e di a mbajnë përgjegjësi”, ka pretenduar bashkëshortja e viktimës.
Ndër ët tjera ajo thekson se viktima ka patur miqësi me të shumëkërkuarin Talo Çela, ndërsa shton se ka vite që sia ka dëgjuar më emrin.
