Gjykata Themelore e Ferizajt ka dhënë vendimin në lidhje me vrasjen e Marigona Osmanit, atë të burgim të përjetshëm për Dardan Krivaqa.
Gjykata dha dënimin prej 15 vitesh burg edhe për Arbër Sejdiun.
Gati dy vjet pas vrasjes së Marigona Osmanit, në Gjykatën Themelore të Ferizajt u shpall aktgjykimi ndaj të dyshuarve kryesorë për vrasjen e saj, Dardan Krivaqa dhe Arbër Sejdiut.
Marigona Osmani ishte 18-vjeçare kur u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt.
Sipas aktakuzës, Dardan Krivaqa dyshohet se më 21 gusht 2021, rreth orës 10:14, në banesën e tij, pa pëlqimin e tani të ndjerës Marigona Osmani, e kishte detyruar atë të kryente marrëdhënie seksuale dhe e kishte abuzuar e keqtrajtuar në forma të ndryshme.
Një ditë më pas, më 22 gusht 2021, Krivaqa dhe Sejdiu akuzohen se kanë privuar nga jeta Marigona Osmanin, në përpjekje për të fshehur veprën penale të dhunimit.
Discussion about this post