Një ditë pas ngjarjes së rëndë të ndodhur në Rrëshen, ku mbeti i vrarë Martin Bardhi dhe u plagosën 3 të tjerë, policia ka shoqëruar disa persona.
Në komisariat janë shoqëruar deri më tani 15 persona, anëtarë të fisit Reçi, mes tyre edhe Saimir Reçi i cili pati dhe konfliktin me viktimën, në Mars të këtij viti. Bashkë me të është shoqëruar edhe i ati i tij.
Mësohet se këta të fundit kanë mohuar përfshirjen në atentat.
Pas marrjes ne pyetje, ata janë lënë të lirë nga policia.
59-vjeçari Martin Bardhi u ekzekutua me breshëri automatiku teksa ndodhej i ulur në lokalin e tij paraditen e së martës, në shoqërinë e 3 personave që mbetën të plagosur.
Bardhi kishte pak kohë që ishe liruar nga qelia e burgut. Ai ishte lënë me masën e sigurisë detyrim paraqitje pasi në muajin Mars u arrestua si një nga autorët e përfshirë në atentatin e dështuar, pikërisht ndaj Saimir Reçit.
Discussion about this post