Gjykata e Lartë ka rrëzuar rekursin e paraqitur nga autori, i dyshuar për vrasjen e të riut Martin Cani, duke lënë në fuqi masën e sigurisë “arrest me burg” ndaj tij.
Autori përmes avokatit të tij mbrojtës, ka dorëzuar rekurs në Gjykatën e Lartë ku kërkoi heqjen e masës së ‘arrestit në burg’ të caktuar nga të dyja shkallët e gjykimit. Çështja u shqyrtua gjyqtari Ilir Panda.
“Mospranimin e rekursit të paraqitur nga personi nën hetim – i mituri në konflikt me ligjin, kundër vendimit nr. 30-2024-9430/2949, datë 17.12.2024, të Gjykatës së Apelit të Juridiksionit të Përgjithshëm”-thuhet në njoftim.
15 vjeçari mbahet në Institutin e të miturve në Kavajë, ku ka kërkuar një masë më të butë sigurie. Pak ditë më parë Gjykata e Tiranës kaloi dosjen në ngarkim të tij për gjykim teksa i refuzoi kërkesën për gjykim të shkurtuar që në rast se shpallet fajtor do t’I ulte 1/3 e dënimit.
Familjarët e Canit kërkuan jo vetëm drejtësi por edhe transparence nga gjykata.
Discussion about this post