Ndërkohë që detaje të shumta dhe aludime nga më të ndryshmet qarkullojnë në rrjet për vrasjen e Mateos në Fier, ka folur sot në lidhje me këtë çështje edhe moderatorja Roza Lati. Përmes një instartory ajo ka ka publikuar disa mesazhe shokuese mbi vrasjen barbare të vogëlushit.
Moderatoja tregon se ka biseduar me hallën e Mateos, e cila pretendon se fëmija është përdhunuar në mënyrë brutale dhe shenjat kanë qenë mjaft të dukshme. Halla bën me dije se ata kanë hetuar në mënyrë private dhe e kanë parë me sytë e tyre masakrën e kryer ndaj 8-vjeçarit, të cilit i është gjetur edhe një tel që i kalonte tej për tej gojës.
Halla shprehet në mesazhe se e gjithë familja dyshon se Klodian Çalamani nuk ka vepruar i vetëm në kryerjen e krimit. Madje familja e vogëlushit është e tepër e revoltuar për shkas se asnjë uniformë policie nuk ka shkuar që t’i pyesë dhe të hetojë.
Kujtojmë se edhe ditën e djeshme, tezja e Mateos denoncoi se në ngjarje është përfshirë edhe një grua, por nuk dha shumë detaje. Sipas saj, Mateo është vrarë pasi ka parë diçka të rëndë që s’duhej ta shihte dhe ekzistonte frika se ai mund të fliste. Ndërsa deri më tani prokuroria nuk ka dhënë asgjë për këto dyshime të familjes, por hetimet vazhdojnë.
Discussion about this post