Vrasja e Mateos ka ngjallur zemërim të madh te shqiptarët, të cilët janë organizuar në forma të ndryshme, duke kërkuar rikthimin e dënimit me vdekje për krime kaq të rënda. Nisma u ndërmor fillimisht nga familja e viktimës Mateo Vasiu, duke kërkuar dënimin me varje në mes të qytetit për autorin e arrestuar Klodian Çalamani, i cili deklaroi në polici, se po të kishte benzinë, nuk do e gjenin trupin e të miturit.
Kjo nismë është shtrirë në disa qytete, ndërkohë që i është bashkuar edhe shoqëria civile. Po ashtu në rrjetet sociale është ndërmarrë një nismë e tillë, duke bërë thirrje për rikthimin e dënimit me vdekje, ku janë hapur grupe e faqe të shumta solidarizim ndaj familjes së viktimës.
Nga komentet në rrjetet sociale, por edhe në media, vihet re se indinjata e lartë e qytetarëve shqiptarë, do të vijojë duke kërkuar dënimin me vdekje, jo vetëm të Çalamanit, por edhe të autorëve të krimeve të rënda. Madje, edhe politikanë e analistë kanë dalë pro kësaj nisme. Një prej tyre është edhe Kreshnik Spahiu, i cili ishte pro rikthimit të dënimit me vdekje.
Discussion about this post