Policia londineze ka njoftuar të dielën se është bërë arrestimi i të dyshuarit kryesor në vrasjen e mësueses së shkollës fillore në Angli, Sabina Nessa, teksa ajo ecte në park.
I dyshuari kryesor është një 38 vjeçar shqiptar, Koci Selamaj. Policia ka në duar një video të regjistruar nga kamerat e sigurisë ku një burrë, që besohet se është Selamaj, e ka ndjekur mësuesen në park teksa në duar mban një objekt në ngjyrë të kuqe.
Nessa, 28 vjeçe, u gjet e vdekur në Kidbrooke, në juglidje të Londrës në 17 shtator. Detektivët mendojnë se ajo është sulmuar teksa shkonte për të takuar një mike në një lokal.
